HEINT FOHRMO HOAM!!!!

des werd iaz woll es letzte mol sein, dass mir do von bangkok aus schreibm!! IN 8 STUNDN GEAT INSO FLUG!

damit jeder amol ibohaup versteat, wiso mir hoamfohrn... sog i enk iaz amol wos i genau kop hon. weil so schnell hett ins eigentlich nix dozu gebrocht, insre reise ozubrechen. aus respekt vor de lait de sich dohoam sorgn, hots a nimand gewisst.

atemwegsinfektion hots in unfong ghoassn honi. hon antibiotica gekriag. noch a woche & di bluatprobm isch ausserkemmen, dassi mycoplasma hon. sell hoasst mycoplasmen (sein bakterien) im bluat. isch eigentlich net weiter schlimm. ober bo an futz von prozentsotz von lait (sem muassi logisch dozuakearn), fuehrt des no zu a atypischen lungenentzuendung. sell honi kop. mit irgendwos no bronchitis oder so. und logisch hot des antibiotica net genutzt. deswegen honi a ondos gekriag. obo gegen de bakterien gibs mehrere und sell wor donn a wieder es folsche (no mehr fiaber, no mehr brustkorbwea, no mehr huastn) deswegen honi donn a 3. gekriag!

ausserdem isch ba der kronkheit oftramol so, dass sich iboroll in gonzn koerper an verschiedene stellen entzuendungen bilden kennen. sell wor ba mir logisch a. und de entzuendungen kennen chronisch sein. sell hoasst de gian nimmer weg. oder kennen irgendwo ondos auftreten, du konnsch do sicher vorstellen, dass i sell a hobm gewellt hon :) und di liebe frau doktor hot gsogg, sie woass net ob des nomol kimp (de entzuendungen iboroll). und durch den dass mein koerper so gschwaecht wor (teilweise no isch), dassmo di ewe sogor es essn eingschoepft hot (*danke*), honi beschlossn do doktorin zu folgn und hoamzufohrn. anstott in vientnam magari di zache lungenentzuendung zu kriagn! die nebmwirkungen va de sch*** antibiotica zaehli gor net auf.

deswegen seimo a net glei noch do kronkheit hoamkemmen, weili in flug net dopockt hett. obo iaz geaz jo schun besser und heint fohrmo hoam. wennmo donn dohoam sein, tiamo wieder a mol a poor fotos aui, weil oftramol a poor stundn bini decht von haus gongen :) *ormer matti*

soooooooooooo gonz an liabm gruass aus bangkok!!!! bis bald!

long dauerts nimmer!!!

es isch amol gonz ruhig do af do seite... do motz isch bon bueroumkrempeln und nacktfotos aufhaengen :) und konn net schreibm, di maedls miassn volle orbeitn.... jojo und di ondon getraun sich net zu schreibm. sogor di anonymen kommentare (de vo di gonz groassn hosngagger :) hobm aufgkeart!
mir shoppen durch bangkok! im patpong wormo a. pingpongshow und so weiter. unglaublich.
is mbk (shoppinghaus) hobmo schun als insre 2. heimat erklaert. do kennmo ins aus :)
long dauerts nimmer donn kemmo hoam. ba ins do isches soooooooo fein worm. zum glueck hobmo ins an pullover gekaft. morgn um 9e afnocht startet inso fliager.
oanmol werdmo ins no meldn. donoch werdmo wieder dohoam sein!!! werd lustig enk olle wieder a mol zu segn. af sell frei mo ins schun!!!! obo di kaelte.... hiuiuiuiuiiiii!
so schianen gruass aus bangkok! mir hearn ins nomol!!!

an die 2 orbeitstiere!

NUDI und BABBO tiat bitte net so viel orbeitn! Stress mocht Foltn! :)

Songkran Niyosane Forensisches Medizinmuseum

boah! heint wormo im forensischesn Medizinmuseum, des ins oano, den mo kennengelernt hobm, empfohlen hot. er hot ins schun erzaehlt, dass man do grausige sochn sig. do matti logisch wor glei hellauf begeistert: do miassmo hin, do miassmo hin!
jo nochon seimo heint woll in des museum gongen. noch 10 minuten hobmo a pause gebraucht, sischt war es fruehstuck wieder retour kemmen!!! mann - unbeschreiblich. do sein leichn in fluessigkeiten gelegt, de konn man logisch unschaugn. viele babys, de no net geboren sein.
va an typ wor do schaedl in do mitte schian sauber durchgschnitten. den hobmse mit an kopfschuss umgebrocht. na unglaublich. in serienkiller von bangkok mit seine instrumente hobmse a verewigt. zum glueck seimo net glei nochn friastick gfohrn! wor obo interessant! :)

hello!

um gottes willen iaz hots in olle die sproche verschlogen :)
oder sein die finger erstarrt?? *ausso in motz gott sei donk net ;)*

mir kemmen erst in 13, weil in flug vom 12. hobmse ins kurzerhond storniert.
irgendwenn gibs wieder a poor fotos, obo de computer moanens net guat mit ins :)
liabm gruass in olle!!!

GriastHenk

Griastenk!!!!!
Do isch do Matti!!!
So iats hob mo an Flug zrug am 12 September....
Cool odo :(
Mir segn ins bold donn gibs a mega Fete!!!!!!
Fete mit Trauerwein und Fernwehschnops....
Nana des passt schooo!!!!
Naegschtn Summer wido, sem los mos richtig krochn :)
Tschuess doweil (Farangs)

die ungewissheit hat ein ende!

Halloooooooooo!!! es geat es geruecht um, dass mir wieder hoamkemmen! geruechte hobm oft an wahren kern. ba den geruecht isch er sehr wahr! wahrer geaz nimmer. leider.
NO MORE TRAVELLING worn die worte vo do aerztin ba do letztn untersuchung, wos i mochn gemiasst hon. i wor jo kronk, wenn es sell mitverfolgt hobt. (wer net, steat weiter untn im blog!) deswegen steat seit 2 Wochen fescht, dass i hoamfohrn MUASS. i dopockats a net. glei honi net fohrn gekennt, weil i so schwoch wor.
Mir hobm ins long ueberleg, ob do matti no alloan weiterreisen soll oder sein traum vorerst aufgib. Schlussendlich seimo zu dem entschluss kemmen, dass er mit mir mit hoamfohrt & mir es naechste johr im summer de sochn nochholn, wo mo iaz nimmer gekennt hobm hinfohrn (Vietnam, Laos und Kambodscha).
leider wissmo no net gonz genau wennmo hoamkemmen. iaz seimo amol in bangkok und mochn ins koan stress. morgn schaugmo wegn an flug noch hoamwaerts.
so iaz ischs raus. mir meldn ins de tage wieder!
af jedn foll seimo do in bangkok in voll an coooooolen hotel, glei nebm shoppinghaus mbk, voll guater service, olles super! soweit so guat. gonz liabe gruesse!!!
melli & matti

Kuala Lumpur

mir sein di Grossstadterkunder *hihihi*
do matti isch iaz a schun seit a poor toge in kuala lumpur. isch a perige stodt!! rieeeeeeeeeeessige tuerme, de sein echt volle cool. die petrona twin towers worn bis 2003 die hoechsten tuerme der welt (452 m). jo de sein echt beeindruckend!
do fernsehturm isch a net zu verachten, afn sem seimo woll a no foscht gonz aui gfohrn. uiui sem werdo ondoscht! do sell isch do 4. hoechste von do welt!!!
Fotos kemmo olleweil leider koane einitian. sel geat net ba jedn computer. isch ols a wian kompliziert.
worm hobmos volle!! und morgn verlossmo kuala lumpur. iaz seimo jo schun a woche do. um 20 vor 11e hobmo inson flug noch bangkok.
gonz liabm gruass in olle. danke fuer enkre kommentare mir freidn ins olm fescht!